收起笑臉交代毒案　莫少聰三鞠躬道歉

早前在北京涉毒被捕的莫少聰獲釋後，昨午在經理人張國忠陪同下在港舉行記者會，再交代被捕經過：「一班朋友去頤和園遊覽，有人遞個煙斗叫我吸，我吸咗一啖，3日後就有公安去片場搵我。（有人設局？）事情已經發生咗，係我自己唔啱，唔想再追究同推測。」他表示獄中生活並非想像般差，更以「人性化」形容，並透露可以與獄警聊天。

會舊愛歎茶

日前被抨擊受訪態度輕挑的他，昨日一臉嚴肅，並3度鞠躬道歉：「其實一啖都唔應該！總之我以後都唔會再掂，仲會做啲工作回饋社會，同過濾吓身邊嘅朋友。」並否認收錢接受內地媒體獨家訪問的傳聞。對於有記者聲稱被劇組人員毆打，張國忠表示已向劇組了解，但未獲回覆，而阿聰則對事件不清楚。

談及舊愛洪欣指兒子莫鎬廉被同學取笑，阿聰說：「我冇同佢聯絡，唔知佢嘅生活狀況，所以答唔到。」記者會結束後，他換上印有「You've got what I want」字句的T恤，在酒店內與舊愛上山詩鈉歎茶，離開時帶記者遊花園，由旺角往大埔許願樹再經落馬洲過關離港。而洪欣另一舊愛郭力行昨日表示，很久沒有與洪欣聯絡，但力撐對方囝囝：「如果係咁就係啲同學唔啱，因為唔係佢做錯，唔應該笑佢！」此外，與阿聰同屬明星足球隊的陳百祥，昨日力撐他並非態度輕挑：「阿聰天生個樣帶微笑，我信佢有悔意，企出嚟交代已經係盡責。」至於孫興會於今天交代吸毒始末。