江若琳獲贈電影拍板「催運」
每次出席活動都必定吸引大批粉絲撐場的江若琳（Elanne），出道多年收到不少「愛的禮物」，其中最得她歡心的莫過於是近期收到的復活節朱古力：「因為我係基督徒，所以復活節對我意義重大！多謝Fans咁有心！」Elanne的「第二最愛」則是一個電影拍板，更珍而重之將它放在床頭：「粉絲送呢個電影拍板祝我嘅電影一部接一部，我覺得好有意思，可以時刻鼓勵我，叫我繼續努力，所以放咗喺床頭！」
此外，Elanne透露深刻的禮物還有粉絲替歌迷會設計的漫畫Logo：「佢畫畫好靚，之前幫我畫咗個漫畫版，畫到成個公主咁，不過就唔係『永暘公主』，哈哈！佢哋出席活動支持我都有用呢個漫畫做牌，我哋依家都計劃緊用嚟做Tee。」她坦言雖然收過不少禮物，但仍珍惜每份禮物的心意，咁識做，難怪粉絲對她100%「十卜」！