Rosemary吃喝玩樂過節

過去一年對Rosemary來說是飽受挫折，相反亦充滿愛和關懷。雖然捲入涉毒風波、母親Julie患病以及父母離婚，但一切未有打擊Rosemary，反而增進母女關係，並藉着母親節向母親說：「媽媽，我愛你！」

混血名模Rosemary去年在美國涉毒，同時更爆出Julie患病及離婚的負面消息，令事業順境的Rosemary墮入人生低潮！涉毒案件擾攘半年後終告一段落，而以往關係一般的Rosemary及其母Julie感情卻因而大有增進。

Rosemary十分重視今年的母親節，預備連串節目慶祝。兩母女先到BETTYS Kitschen品嘗美食，進食時話題不絕。然後Rosemary帶Julie挑選首飾及Violette手錶，又送上生果製的花籃，並到Bliss Spa齊齊享受浸浴按摩。細心的Rosemary為免Julie舟車勞頓，更出動瑪莎拉蒂跑車接載母親！Rosemary說：「媽咪鍾意首飾，而且鍾意親都幾貴！不過都會送畀佢，希望媽咪開心！I Love you！」

信教後重新出發

抱恙的Julie表示，信主使她在處理母女關係時有新體會：「睇咩都係用愛出發，唔再埋怨個女！我哋曾經有好多拗撬，但個女經過咁多事之後大個咗，依家做好多慈善工作！希望佢可以帶出正面訊息，我得閒會踢個女返教會！」