有傳李克勤因與剛入主無綫的「殼王」陳國強分屬老友，將可亮相無綫。克勤昨日出席活動時否認：「一日喺環球都未得！」問到有否與陳國強商討？克勤說：「從來唔講公事，唔會因為好朋友就有利件事！」
提到勁歌優秀選的歌手陣容欠強勁，克勤抵死比喻：「點解食飯唔嗌我？定係有叫我，但係父母唔畀我出夜街？」他更打趣表示想長命百歲：「最近練氣功，希望等到（破冰）！」
克勤（右）出席義工活動時，否認可破冰亮相無綫。
