安蓮達芝世來港掛住食

曾創作《歌聲魅影》、《貓》與《貝隆夫人》等歌劇的作曲家安德魯萊韋伯其作品將重現《韋伯音樂之旅》演唱會，早前本報記者在澳洲墨爾本採訪劇組，演員米高哥米等大談演唱會的挑戰性！

音樂劇《韋伯音樂之旅》將於下月8日至19日假香港演藝學院歌劇院公演，演唱會早前於墨爾本公演時接受本報採訪，曾飾演《歌聲魅影》主角魅影的米高哥米受訪時說：「演唱會比音樂劇更多元化，我哋唔止飾演一個角色，唱法都要不斷更換，好有難度，但好好玩！」

將於演唱會飾演《歌聲魅影》女主角姬絲汀的翠絲雅高爾，指自己還未看《歌》劇續集《Love Never Dies》：「我表演套劇嘅新歌時會靠自己詮釋。我一聽《歌》劇嘅經典主題曲前奏就興奮！」曾在香港演出《媽媽咪呀！》的安蓮達芝世則說：「我期待再嚟香港，我媽媽係新加坡人，所以我鍾意亞洲文化同食物！」

2013年公演續集

問到《Love Never Dies》會否在港公演，監製Tim McFarlane說：「最早都要喺2013年，因為套劇今個月開始會喺澳洲公演一段長時間。之前套劇喺倫敦公演時，音樂好得人鍾意，但故事尚待改進，所以澳洲公演時會有新舞台設計，幫助觀眾更投入故事。」