方皓玟拍劇如打機
近年參演電影演出的歌手方皓玟（Charmaine），最近轉戰視圈，與關楚耀、呂晶晶及譚得志（快必）合作拍亞視劇集《親密損友》。首次拍劇的Charmaine坦言新鮮，與拍電影截然不同，因同時有多個攝影機，猶如打機一樣要對得準，否則NG會拖累其他人。
早前適逢Charmaine生日開工，劇組為她與另一同年同月同日生的工作人員慶祝。於劇中與她扮歡喜冤家的快必，卻沒有送上Birthday Kiss，並說：「我哋喺劇入面成日嬉戲互打，我驚錫咗佢之後，拍嗰陣佢會真打我。」生日撞正要開工，問Charmaine收工後會如何慶祝，她說：「會喺屋企煲碟。（冇節目？）每年生日都鍾意Hea住過，同一般人要去玩好唔同。（生日願望？）希望呢套劇會受歡迎。」
方皓玟（左）與工作人員一同慶祝生日。
首次拍劇的方皓玟（左起），與關楚耀及快必有不少對手戲。