陳鍵鋒離巢粉絲鬧爆

陳鍵鋒約滿後狂轟無綫，更接受多個電視台專訪，明剃娘家眼眉，近日他在ontv《娛樂on Show》中自爆曾因不續約遭Fans責怪，只能慨嘆他們「有所不知」！

曾備受無綫力捧的陳鍵鋒，約滿後轉戰內地拍劇搵人仔。早前他「回歸」香港，在有線訪問中暢所欲言，狂轟舊公司刻薄，洽談續約時為數十元薪酬加幅而壓價，令他萌生去意。其後，他亮相「對家」亞視，擺明當無綫冇到！

「離巢一身輕」的陳鍵鋒，近日接受ontv《娛樂on Show》專訪，與主持人俞詠文暢談出走感受，並自爆曾因不續約而遭粉絲責罵：「之前有一段時間，無綫想搵我簽經理人合約，嗰段時間有好多Fans話：『點解你唔簽咁蠢呀？簽咗一定紅！』仲話：『唔簽就蝕底喇！你睇邊個邊個幾紅！』啲語氣直頭係鬧！」

直腸直肚不畏權貴

陳鍵鋒慨嘆很多內部運作不能全數向粉絲交代：「我依家選擇咗喺適當時候交代，希望Fans會明白我嘅感受！」性格率直的他揚言，從不怕得罪人，只是當年身不由己，故待人接物均抱着「少說話多做事」態度。欲知直腸直肚的陳鍵鋒再有何「偉論」，務必緊貼《娛樂on Show》專訪！