曹敏莉有咗BB冇咗RAM
張嘉兒、曹敏莉與葉翠翠等歷屆港姐昨日出席《慧妍雅集慈善晚會2011》記者會，腹大便便的曹敏莉（Mandy）透露將於七月在港分娩，現時依然步履輕盈，最疲倦反而是睡覺：「因為有時會瞓到痹，要碌嚟碌去就番位。（準備好未？）都執咗個『走佬袋』o架啦！」Mandy又笑言「大肚婆」會較易忟憎及冇記性：「有時喺房想飲水，但出到廳已經唔記得咗想做咩，好多嘢都要寫低！（老公就唔就你？）佢冇得揀，一定要就！」並表示將減少出席公開活動：「我希望去到六月十一日嘅晚會啦！臨生前一、兩個月都想留多啲喺屋企。」
至於葉翠翠則表示非常羨慕Mandy：「口水都流晒！（幾時輪到你？）愈快愈好，但呢啲緣分嚟嘅，我覺得最幸福嘅女人就好似Mandy咁，先生又咁錫佢。」自言已單身數年的她透露未有追求者，但會堅持等待適合的真命天子，寧缺勿濫。
獲妹妹曹蕙蘭撐場的曹敏莉（右）將於七月分娩，笑言開始緊張起來。
與張嘉兒出席的葉翠翠（右）恨生BB，但苦無造人對象。