近年復出拍劇的「小龍女」陳玉蓮，昨日與廖安麗及祝文君代表藝進同學會以「關愛大使」身份，到奧海城出席一個為日本地震籌款的活動。陳玉蓮近年致力於內地山區探訪貧童，雖然四海為家，但仍有人找到她斟拍廣告，其中廣州一個護膚品牌邀任代言人，她笑言不問酬勞，只開出「冇手尾跟」條件：「我都唔知自己幾時會喺邊度，拍廣告除咗拍硬照，仲有『手尾要跟』，我都冇時間做宣傳，反正我又唔等錢使，啱條件先拍。」
陳玉蓮忙於到山區探訪兒童，有廣告都唔願拍。
