黃宗澤冧笑默認獨愛杏兒

黃宗澤（Bosco）與胡杏兒的地下情愈見浮面，昨日他出席活動時否認是姐仔殺手，因範圍太大Handle不來，他要一個就夠，更冧笑默認「一個」是指杏兒，隔空向女友派定心丸！

昨日周秀娜、黃婉曼、Bosco和沈志明為K-Swiss活動擔任模特兒，示範最新服飾。娜姐密封事業線，只騷纖腰和長腿，卻不慎露出黑色胸墊。Bosco在台上明顯與兩位靚女保持距離，尤其對娜姐更加目不斜視，事後他解釋：「我同佢哋唔熟，眼定定望佢好尷尬！佢係性感女神，我唔敢望佢咁耐。」行騷時，Bosco笑言是應大會要求要Chok住出場。

近日有傳吳卓羲是姐仔殺手，問到覺得可有資格做姐仔殺手？Bosco說：「呢個稱號太廣泛，我收窄啲範圍，我一個就夠。」至於是否一個胡杏兒就夠？他即忍不住冧笑：「殺手範圍太大，我唔識Handle。（畀人殺？）OK啦！（你哋都係拍劇傳傳吓變成真？）我呢啲係舊聞。（散咗？）啋！呢啲緋聞係拍劇前宣傳嘅一部分，我唔相信佢（吳卓羲）係花心嘅人。」

娜姐唔使男友送鑽戒

此外，娜姐將於本月22日生日，她透露想舉行運動會慶祝：「我想推鉛球推走晒啲是非，另外都想搞遊船河。（暗示男友送鑽戒做生日禮物？）唔使，我啱啱買咗隻五位數字嘅鑽戒獎勵自己。（男友送求婚鑽戒？）唔諗住，買樓先。」