做港男司儀 呂慧儀「事業線」勁過上年
無綫《香港先生選舉》昨日舉行記者會，歷屆香港先生包括高鈞賢及翟威廉等撐場，而司儀呂慧儀面對港男表現風騷，去年她擔任香港先生大會司儀時盡騷「事業線」，問到今年戰衣如何？她說：「監製話高度機密，應該會勁過上年。（冇底線？）公司底線就係我底線！（畀人話太性感？）唔怕！會吸取教訓。」面對肌肉型男，她非常雀躍，問到揀男友的標準是否如港男般？她說：「男友身形同我差唔多就得，香港先生係做同事，男友未必o架嘛！（港男入面揀男友？）喺夢想入面有，但冇實行。」提到緋聞男友黃文迪曾參選港男，她詐傻避而不答：「仲有聯絡，最衰佢參加咗，如果唔係我實叫佢參加！」而翟威廉則表示有呼籲朋友參選，更賣口乖說：「參選香港先生發展好又有表演機會，好多朋友睇完個騷都有興趣參加。」
穿上小背心的呂慧儀，風騷兼「峰」騷！
翟威廉大晒肌肉及臂力，氹得呂慧儀興奮不已！
呂慧儀用手指篤港男胸肌過手癮。