李蘊三點式寫真鬥腳

李蘊昨日與陳鈺芸(JuJu)等一眾師弟妹出席康和堂旗艦店開幕活動,她透露將到馬來西亞拍寫真,預計下月推出,並笑言不能跟其他人對撼:「我唔係Sell身材,上年嗰本已經係我底線,今次會有沙灘同比堅尼,主力Sell腳。(點Keep靚對腳?)唉!我早幾日去郊外玩畀蚊咬到一粒粒,希望快啲好番!我最驚去當地曬黑,返嚟變咗舊黑炭,睇相師傅話我曬黑就會成個人都黑,惟有到時搽多啲防曬。」

而JuJu對於近期內地女藝人搶本地女星飯碗,她認為是良性競爭,自言在工作上很搏:「可以接受健康性感,有機會都想出寫真,底線係比堅尼。(背部全裸?)如果影得靚嘅都OK。」而稍後她會到菲律賓拍攝旅遊書,問到會否擔心港人罷買?她說:「我再考慮吓,不過我未去過當地,有時淨係聽唔會知,我想親身感受當地嘅風土人情。」

李蘊(左)偕師妹陳鈺芸出席開幕活動。