黎耀祥接錯劇身陷火海
日前黎耀祥與張可頤深宵時分在元朗大棠為無綫劇集《法證先鋒Ⅲ》拍火燒場面，劇情講述他們因查案而遭兇徒燒死滅口。祥仔笑說：「好難撈呀！真係接錯劇啦！以為只係喺寫字樓做吓證物研究，點知咁辛苦！不過拍出嚟好睇都應該要有嘅。」問到是否覺得危險？他坦言很難估計，但現時用具已較安全，他還透露沒有安排替身，該鏡頭只有丁點危險性而已，問到老婆知否他拍危險戲？他說：「唔使話佢知，撈咗咁多年，有咩事會同導演講做唔到，或者走先！」而張可頤亦不怕危險：「幾刺激吖！有人覺得吊威吔辛苦，我就覺得好玩，最緊要拍出嚟好睇，場口好貴o架！我都對啲手足嘅安全措施有信心。」
另外，無綫早前指亞視今年播金像獎收視僅得7點，約45萬觀眾收看，不過亞視昨日公布金像獎收視，指收看人次逾270萬人，與無綫公布的數字相差甚遠。而昨日有臨時演員公司與無綫就最低工資問題開會，若談判破裂，臨時演員或會發動罷工。
黎耀祥與張可頤為拍攝劇集，不惜蹈火海！
為求效果更驚險逼真，黎耀祥與張可頤親身上陣！