向來打扮隨意的莫少聰，吸毒後首次開腔交代事件，在訪問中穿上整齊的深色西裝，時裝設計師鄧達智表示衣着配合場合，反映其洗底的決心：「佢平時打扮Casual，今次有心畀人睇端正形象，深色西裝褸偏向保守，淺色就輕浮，佢揀深色顯得沉實，依家返工唔係個個都打呔，無論個Pattern係點，肯打呔都係顯得莊重，佢造型配合場合，洗底過程都係咁，話畀人知正經。而佢髮型令佢神采飛揚，要話畀人知佢唔係個沉淪毒海嘅人。」