鍾舒祺扮「兔女郎」硬銷潮Tee
歌手鍾舒漫妹妹鍾舒祺（Sukie）在台灣以型格歌手形象出道，傻大姐的性格令她大受歡迎，近日獲邀為潮流品牌OUTER-SPACE擔任全新春裝的模特兒，配合復活節主題，換上多套以兔仔為主題的潮Tee，她說：「今次係Leo（Circus成員）搵我幫手做Model，都幾好玩吖！同埋我自己鍾意設計，一向都好支持原創品牌！（自己搞品牌？）其實我有好多靈感呀！但未有錢搞，睇吓有冇人肯投資啦！（搵家姐幫手？）唔好，一人做事一人當，我諗一定有人會賞識我嘅作品！」
廣告相中，Sukie手臂跟大腿分別有星星及車厘子的紋身，問到會否擔心影響形象？她說：「紋身唔代表咩壞事，但我身上嘅所有紋身都唔係真，係我自己買紋身顏料畫上去，如果我真係去紋身，媽咪同埋經理人一定會追殺我！」
鍾舒祺用顏料在手臂上自畫紋身，硬銷兔仔潮Tee。
鍾舒祺對設計十分有興趣，恨推出個人品牌。