新宅男女神樂瞳Out走糖妹

身高5呎2吋的樂瞳最近在新劇中做反叛學生妹，其校服Look成功俘虜大批宅男，令她成為新網絡女神，踢走上屆盟主糖妹！

最近宅男情傾細細粒少女，無綫女藝員兼歌手樂瞳在新劇《點解阿Sir係阿Sir》中飾演反叛學生妹，成功以校服誘惑成為新網絡女神，雖然其角色巴辣火爆，但仍無礙她的相片在網上瘋傳，更獲讚樣子甜美！對於新封號，樂瞳受寵若驚，認為「女神」應是如林志玲般高瘦美女：「可能係好耐冇演校園劇，校服Look有新鮮感！（驚唔驚畀人移花接木？）冇辦法！愈叫佢哋唔做，反而會做多啲！佢哋都係鍾意我啫！」對於最近流傳她在劇集中疑似凸點的照片，樂瞳說：「個位都唔啱，而且打咗好多底！諗多咗喇！不過證明套劇多人睇！」事實上，該網民所指的「重要位置」明顯偏低，不少網友均表示不相信。

認腳粗自願讓位

至於只得4呎8吋高的糖妹（Kandy）則不介意讓出「女神寶座」，因不少網上討論令她感困擾，她昨日說：「唔係真嘅都算，但話我腳粗就講中咗！仲有好多人踩我Partner阿峰（糖兄），好傷心！多謝樂瞳接力！」

糖妹（22歲）

身高：4呎8吋

冧仔招：人矮肺大，腰果眼冧客。

樂瞳（24歲）

身高：5呎2吋

冧仔招：天生娃娃臉，校服誘惑晒美腿。