歌手李蘊與樂壇新人麥貝夷昨日擔任化妝學校代言人，對於有傳麥貝夷受力捧而「踢走」戀愛大過天的o靚模尹蓁晞（Yumi），以及Yumi將下嫁「有米」俊男，李蘊不屑地說：「我見過佢，佢有錢咩？上次食飯都冇請！」她又透露新片《毒禍》將煞科：「片中我最後會被槍殺，我已經死咗3、4套戲，就快上畫嘅《B+偵探》都要死！」此外，問有否留意藝人莫少聰在北京涉嫌吸毒被捕，二人異口同聲說：「我哋好少去夜場，公司都會去啲正經地方！」
李蘊（右）與麥貝夷甚少夜蒲，謝絕「毒」友。
