梁靜茹發仔寒唱完就造

馬來西亞女歌手梁靜茹昨日來港為巡迴演唱會舉行記者會，以Tube Dress上陣的她頻俯身晒料，並揚言完騷後會與老公積極造人！

梁靜茹（Fish）昨日為《2011梁靜茹『愛的那一頁』世界巡迴演唱會－香港篇》舉行記者會，主辦機構製作人張耀榮及林建名到場支持。香港站是其巡唱第二站，暫定世界巡迴演出19場。以灰色Tube Dress襯紅色Ankle Boot上陣的靜茹透露，家人屆時會來港捧場：「每次嚟香港演出就好似家庭聚會咁！」她表示想多唱自己的歌，故仍未決定會否邀請嘉賓。

「跟得老公」陪周圍飛

問到暌違兩年再開騷心情如何？靜茹說：「肯定自己鍾意唱歌，好多人以為我婚後會淡出，但我想話畀大家知我係唔會放棄唱歌！我係熱愛音樂嘅工作狂，做完上一張唱片後更有熱誠去做更多Live，覺得自己更勝之前！（演唱會後努力造人？）係呀！明年會開始，希望呢兩年成功！」她坦言老公「暫時」沒有埋怨她經常周圍飛，若到較遠的地方開騷，老公亦會同行。