靚靚為貴袋減肥

袁詠儀（靚靚）、江若琳與莊思敏等，昨日出席周美鳳公關公司的16周年派對。早前因甲狀腺問題而水腫的靚靚昨日清減不少，她透露最近積極減肥：「我減咗5、6磅，希望變番做女嗰時咁。（老公張智霖有冇讚你？）佢用物質引誘我，話減肥成功就送個袋畀我，個袋好貴、好難買o架！」對於郭富城被指年底結婚，靚靚代好友否認，但直言希望對方早日成家立室：「我想佢感受吓，一個家庭係需要有個男人喺屋企。（佢結婚，張智霖就少啲同佢出街？）係呀！對我有好處！」至於江若琳則透露將往新加坡拍戲，並與歌手阿牛（曾慶祥）演夫婦：「套戲講我哋籌備婚禮，可以體驗吓結婚有幾煩。（閃婚？）睇吓遇唔遇到令我有衝動嘅人。」

靚靚翹實王敏德扮煙韌，場面搞笑！

江若琳以短裙仔騷香肩。