Ella變落湯雞品牌冇索償
前晚金像獎頒獎禮，剛巧下着傾盆大雨，不少盛裝出席的藝人如官恩娜（Ella）等衣衫盡濕，即掀起熱話，有網友在討論區要求「欣賞」Ella全身濕透的走光照。Ella在電話中說：「我出場時只係落雨粉，或者條裙雪紡質地令人誤會，我打晒底梗係唔會走光啦！但裙腳就沾到地氈而整濕咗少少，要喺後台用吹風機整乾，好多女星都濕咗裙腳。（賠錢畀贊助商？）唔使，濕咗裙腳少少，乾洗就OK！」
此外，為周潤發太太陳薈蓮率先訂購Max Mara 2011春夏新裝，以及贊助李宇春JPG服裝的代理品牌公司Fairton發言人表示，天雨不能控制，即使贊助衣服弄污或損毀，不會要求賠償。而贊助湯唯等的品牌ESCADA發言人則透露，服裝是特意空運抵港的Showpieces，但因裙長而拖地，故估計定會弄污，品牌會自行修補乾洗，不要求藝人賠償。
官恩娜的裙尾濕透，幸好品牌未有要求賠償。