祖兒撐影帝Chok贏林峯
新鮮出爐影帝謝霆鋒乃容祖兒的同門師兄，前晚祖兒也有出席霆鋒的慶功宴，親自祝賀，在影帝揭曉一刻，祖兒十分緊張，她笑說：「我喺髮型屋度冇電視睇，即刻打畀朋友用視像睇，知佢攞獎我都尖叫。」她形容霆鋒在一片否定聲音中成長，由進步到成為一個男人，確實令人感動。
對霆鋒在宣布得獎一刻的超Chok樣，祖兒笑說：「好似萬子（萬梓良）咁樣，我接受到喎，慣咗。（佢同林峯邊個Chok啲？）林峯唔係好Chok，私底下好Mild，霆鋒私底下好Chok，高下立見。」
祖兒早前隨樂施會到雲南昆明探訪，昨日她出席分享會，她承認以往都會因貪心而令自己不開心，但如今學懂知足常樂。談到好友何韻詩搬新居，她第一時間參觀了，並笑說：「佢間屋好犀利，話會有名有利有桃花，梗係要睇吓乜料。」愛買樓保值的祖兒認為阿詩應該買樓：「媽咪教落點都要有個殼。」
祖兒對於霆鋒在宣布得獎一刻的超Chok樣，讚不絕口。
祖兒早前到雲南昆明探訪，親自擔水感受山區的苦況。
楊受成率英皇一眾歌星與霆鋒祝酒慶祝。