剛與英皇續約的謝霆鋒榮升金像影帝，老闆楊受成當然替對方高興，談到霆鋒與周杰倫的新片《逆戰》，楊受成透露投資額會加碼到億五至億八港元，至於約旦的外景，更會有飛機和大炮作實景拍攝，務求一切可媲美荷里活製作，他有信心此片明年可為霆鋒再下一城。
至於如何獎勵霆鋒？楊受成說：「我同佢唔使計嘅！由佢出世睇到佢大。（會唔會加佢片酬？）續約時加咗好多。（搵佢同栢芝幫手拍戲？）我好想，但未有機會同佢講，要睇佢哋嘅意願，依家都有兩個劇本畀咗霆鋒睇，等緊佢嘅決定。」
楊受成（後排右三）率領英皇旗下歌手，慶祝霆鋒奪金像影帝。
