鍾舒祺煲冬瓜放笑彈
鍾舒漫的妹妹鍾舒祺（Sukie）在台灣出道做歌手，早前推出個人專輯《不一樣》，因她性格開朗，亮相節目時大癲大肺，深得節目製作人喜歡，更獲邀接棒擔任《完全娛樂》的主持人，跟組合大嘴巴的成員MC40及懷秋拍住上。對於其「港式普通話」，Sukie表示冇有怕：「每次我講錯咗，佢哋都會笑我，就當係一個搞笑位囉！大家睇得開心！」
Sukie的藝術天分跟家姐不遑多讓，日前親手製作一隻近5呎高的草泥馬，配上大眼睛加紅面頰，令她的師妹組合MISSTER都向公司要求探班，Sukie笑說：「佢哋唔係真心想探班囉！係想同我隻草泥馬合照，但見大家咁鍾意，我都好開心、好興奮！」
鍾舒祺自製的草泥馬吸引師弟妹爭相拍照。
鍾舒祺與懷秋（左）和MC40主持節目放笑彈。