真愛換報復林峯心痛滴淚

無綫藝員羅樂林、楊怡與馬國明等《回到三國》演員昨日出席拜神儀式,但林峯因錄音而缺席,其後他在高層樂易玲及經理人陪同下到電視城拍廠景,並表示沒有留意疑似情慾片流出的報道,他說:「我想講,如果兩個人拍拖期間,真係有任何形式傷害到佢(潘霜霜),作為一個報復嘅話,我甘心接受。佢仲後生,希望大家可以振作番啲!」並自言心情絕不比對方好過。問到有否想過照片是否被偷?他眼濕濕說:「我冇考究,兩個人真心相愛,冇必要去到呢個地步,我係無比心痛!(打畀佢了解?)之前有掙扎過想去溝通,但唔係適當時間。」說罷即在樂易玲陪同下轉身離去,並脫下眼鏡抹眼淚。

羅樂林入健力士得啖笑

至於《回》劇拍檔拜神時均出言力撐林峯,楊怡認為他被人出賣,非常慘;馬國明則聽說潘霜霜想出書,覺得她博宣傳;而監製劉家豪則指林峯專注工作,沒有要求放假。

此外,因一日「死」五次而成焦點的羅樂林,被問到在新劇是否要再「死」?他笑說:「要問監製先知。(無綫提議申請入健力士?)其實網上第一日已經有人講,佢哋有睇我嘅劇好開心。(慶祝?)慶咩祝?入健力士每年都要畀錢,但唔知畀幾多。(自己畀?)唔會,得啖笑!」

林峯帶淚表示,若潘霜霜有感受傷害而作出報復,他願意接受。

曾志偉(右)在電視城巧遇林峯,即上前慰問。