Kelly平復傷痛月底復工

早前飽受孖女小產之痛的陳慧琳（Kelly），除了早前為香港演藝界的賑災晚會錄製打氣短片外，並沒正式曝光。經過近兩個月休息後，她終於調理好身體及收拾心情，決定重新投入工作，積極生活！

據知，Kelly將於本月29日復工，以代言人身份與曾志偉出席金至尊旗艦店剪綵，因廣告商已廣發邀請函通知客戶，令Kelly復工消息曝光。本報就復工一事向Kelly查詢，她透過助手承認將於月底重投工作，問到心情會否緊張？其助手說：「唔緊張！佢喺屋企都悶，想做番嘢！（驚唔驚見傳媒勾起傷心事？）佢都有心理準備，不過希望大家盡量唔好提，佢好眼淺，怕大家問到佢忍唔住會喊！」

其實一直在家休養的Kelly，經中醫調理身體後，已康復得七七八八，精神及心情亦愈見豁然開朗，惟因不能吹風而甚少外出，其助手說：「Kelly平日都係專心湊仔，得閒就上網、睇時裝雜誌、電視同聽歌打發時間。佢依家揀緊歌，計劃出廣東碟，佢收到好多中、港、台歌迷鼓勵留言，覺得好感動！」