聞前妻殺到阿B緊張勁O嘴
章小蕙突然現身中環，鍾鎮濤（阿B）與范姜昨午二時許離開半山寓所，被問到前妻已返港，他說：「吓！我唔知！（有冇見到佢？）佢返嚟都唔會喺呢度啦！」提到章小蕙有機會暫住其妹章小婉的家，阿B只笑而不答，當被追問於台灣缺席友人追悼會是避與對方碰面，他說：「唔講喇！都過咗去啦！」
晚上約七時，阿B與女兒鍾嘉晴返家，問到嘉晴是否知道母親已返港，她淡然地說：「唔知。」當追問章小蕙會否出手和解事件，阿B緊張地搶答：「你哋問我定係問嘉晴呀？」記者表示是問嘉晴，但她默不作聲，只緊緊拖着父親的手返回大廈。
此外，范姜接受電話訪問時亦表示，不清楚章小蕙已返港，問到對方可有聯絡，范姜說：「冇，其他嘢唔再講。」
鍾鎮濤拖實女兒鍾嘉晴返寓所，拒回應有關前妻神秘返港。
范姜如常外出，未有因衝突而影響心情。