超蓮爆賭王三太蜜蜜啜
賭王何鴻燊與三太陳婉珍的千金何超蓮前晚出席時裝活動，她透露爹哋媽咪大前晚預祝結婚周年紀念：「爹哋唱晒成首《月亮代表我的心》畀媽咪聽，呢首係佢哋嘅歌，媽咪好開心，爹哋同媽咪係咁錫。」她又指家姐超雲已返回英國，問到家姐是否避風頭？她表示不知情。問到可有拍拖？超蓮強調不會回應感情事，現階段以學業為先，將來拍拖亦不會公開。提到網上遭冒名，她說：「已經好多次，有微博粉絲話我會喺邊度出現，牽涉到詐騙成分要澄清。（唔玩微博？）小心啲！（超欣都畀人冒名開微博？）超欣咁細個唔識點處理，唔開心一定有。」
