郭富城昨日出席聯合國兒童基金會（unicef）活動，呼籲旅客將用剩的零錢捐作慈善用途。城城透露今年接拍4套電影，年底舉行演唱會，問到是否儲老婆本迎娶熊黛林？他笑說：「我都唔知要儲幾多，有排先夠啦！（預埋生小朋友？）預埋幫unicef小朋友！（咁自己嘅小朋友呢？）呢個未諗住！」他表示正拍攝嚴浩新片，飾演一位漁民：「我要由20歲演到60歲，化老妝會有少少傷皮膚！我同楊采妮有感情戲，好開心繼《父子》後再度合作。」
城城抱着小朋友，流露慈父相。
