近期與內地富商陳聰傳緋聞的蔡慧敏，昨日出席活動時坦承雙方發展中，但同時又有幾位追求者，問到擇偶條件？她說：「最好高大靚仔、有學歷，經濟方面可以Take Care我啦！」並透露早前把6位數字廣告酬勞捐給日本災民。至於同場的農夫自爆最怕曱甴，全因小時候的可怕經歷。成員C君早前帶未婚妻出席公開活動，問到婚禮籌備進度？他說：「十畫都未有一撇，定咗明年7月，依家開始忙Book嘢啦！」他預算花6位數字搞婚禮。
蔡慧敏昨日以低胸裝上陣，可謂其指定打扮。
陸永（左）與C君幾乎被鸚鵡搞到頭暈，場面有趣！
