余文樂昨日到新城電台宣傳，他透露新碟《不是明星NAS》將於13日推出，屆時會在北京舉行發布會，演唱新歌之餘，更會展出他為新碟封套所畫的七幅畫，他說：「香港得兩日宣傳期，之後要飛北京、台灣同其他地方宣傳，工作人員日日都投訴！（冇時間打波？）係啦！之後都可能冇機會落場比賽！」事隔多年再出碟，問到會否擔心唱Live，他說：「我又唔係好緊張，忙到冇時間緊張，如果真係失禮的話，我都控制唔到，不過有份製作首歌，應該冇問題嘅！」另外，他接受查小欣訪問時，坦言希望5年內結婚。
余文樂忙於宣傳，暫時放棄打波。
