范姜愛阿B願受傷

鍾鎮濤和女友范姜與前妻章小蕙妹妹章小婉發生衝突，指有人打傷鍾嘉晴，嘉晴則力撐范姜。范姜亦在微博表示願為愛受傷！ 　　

獲兩名子女鍾嘉浚和鍾嘉晴在Facebook力撐范姜是「好媽媽」，直指有人亂作古仔。有兩個視如親母的仔女和鍾鎮濤（阿B）支持，沉默多時的范姜昨日在微博上留言感激：「真正愛上一個人的時候，一切都那麼值得，包括不可避免的受傷害。」而昨晨十一時半，心情大好的阿B乘七人車外出，約十分鐘後折返。對於有指前妻章小蕙返港，阿B不清楚，雙方沒有聯絡。兒子嘉浚聲言要與阿姨及相關人等斷絕關係撐范姜，阿B說：「等小朋友講，大人唔方便講。」

至下午三時許，阿B帶嘉晴出外買Pizza，更絞低車窗讓嘉晴受訪。對於有指她涉嫌被人打，嘉晴說：「冇件咁嘅事，冇呢啲嘢發生過。（生活好好？）係呀！（范姜對你點？）好好，一向好錫我。」記者問：「你當范姜係媽咪，呢件事對媽咪係咪好唔公平？」嘉晴即點頭。對於生母章小蕙與阿姨章小婉，嘉晴承認生母沒聯絡她，亦不知對方行蹤。問到再見阿姨會否打招呼？嘉晴笑說：「唔會。（點解？）當冇見到。」至於會否疏遠阿姨，她只笑而不答。而章小婉昨午一時半終現身，但電召的士到門口避傳媒，更用頭髮遮面火速跳上的士，記者險被的士撞到。

嘉浚：為公義而戰

傍晚六時許，阿B到紅館演出Joey V紀念音樂會，問到范姜心情？他說：「冇乜嘢，成件事都係電話跌咗落地下，唔係咁大件事。（仔女撐范姜？）一個16歲、一個21歲，咁大個都識性！（阿仔留言爆粗？）美國仔講嘢係咁。」而嘉浚昨日在Facebook留言指會繼續為公義而戰，並換上與父親、范姜及兩位妹妹的全家福。此外，有份演出音樂會的譚詠麟（阿倫）說：「睇到B仔B女嘅Facebook都知發生乜事，仔女都講得出話如果有人再搞爸爸同范姜就斷絕關係，其他人所講嘅都係廢話。」