Angelababy雲南現高山症速吸氧
模特兒Angelababy（楊穎）忙於在內地拍戲，前晚她在微博上載一張吸瓶裝氧氣的相片，穿上厚衣服的她瞇起雙眼吸氧氣，狀甚虛弱。她留言：「物以稀為貴，高山上，氧氣也是奢侈品。」未知男友黃曉明看罷可會心痛？
Baby的經理人Kim透過電話回覆，指Baby正身在雲南海拔三千呎的高山上拍戲，由於出現輕微高山症反應，故需要吸氧：「佢有少少頭痛、頭暈同呼吸不順，不過佢吸咗氧氣、食咗藥，已經冇事。佢個助手仲慘，一落機就嘔。」Kim透露Baby會在當地逗留一星期，更爆Baby向她詐嬌，Kim說：「搞到我好內疚，唔可以上去陪住佢。不過我唔係太擔心，因為劇組有醫生駐場。（Baby有冇話今次係拍戲以來最辛苦一次？）係爬到最高嘅一次，佢話當地風景好靚，所以好值得。」