蒙嘉慧事業線激盪

身形瘦削的蒙嘉慧平日收收埋埋，原來上圍絕不遜色！日前她在劇集中穿上低胸裝強晒事業線，胸前激盪，令網友睇到眼凸凸！

蒙嘉慧（YoYo）向來給人骨巉巉的感覺，但原來是「禾稈冚珍珠」！在日前播出的《Only You只有您》中，她與田蕊妮及張美妮為待嫁的鄧上文商討婚事，身穿低胸裝的她露出深長事業線，又坐又企時效果更是激盪！向來瘦削的她突然有料到，網民驚喜到O哂嘴，大嘆平日走漏眼！YoYo的Cup數如此強勁，令她變成網絡紅人！日前她以真空大露背裝亮相遊戲節目《華麗明星賽》，已獲得好評。既然觀眾如此賞面，看來YoYo可多作性感打扮！

田蕊妮懷疑「加工」

劇中跟YoYo經常出雙入對的田蕊妮大讚對方身材出眾，不過阿田覺得YoYo可能有在胸部「加工」，她說：「咁着得晚裝都想靚，唔出奇嘅！但佢真係將套晚裝發揮得淋漓盡致，我哋現場睇到都眼前一亮呀！（好多網友狂讚！）咁開心！即係做咗網絡女神，一定要話佢知呀！」