Kary周柏豪戴情侶帽
吳雨霏（Kary）與周柏豪曾於情人節被拍到密會照片，即時傳出緋聞，他們昨日一同出席活動，竟然心有靈犀戴上情侶帽，而且回應緋聞的態度一致，還毫不避忌地合照。
周柏豪、何超雲與陳山聰的緋聞成為全城熱話，「甩難」的柏豪昨日與謝安琪出席活動時心情超靚，看見撞帽的吳雨霏時更「笑晒」打招呼，並應要求大方合照。柏豪與Kary被踢爆於情人節秘密約會，昨日是他們於情人節後首度同場演出，不知是有心還是無意，二人竟戴上情侶帽！
未入行已相識
柏豪聲稱於赴會途中才知Kary亦會出席活動，撞帽只是巧合，問到有否發展空間？他說：「我哋識咗十年，好多嘢都有默契，但要發展早就發展咗啦！」
而Kary則否認與柏豪於情人節約會：「我唔係好注重情人節，嗰日只係去一個共同朋友屋企食飯。（邊個約？）朋友食飯冇話邊個約邊個嘅。」此外，她同樣表示未入行已認識柏豪，但亦指往後都是保持朋友關係比較好。
Kary表示未入行已認識柏豪，往後亦會保持朋友關係。
柏豪與Kary戴情侶帽出席活動，果然心有靈犀。
謝安琪在活動上晒腿。