鍾嘉欣生日等伍允龍約
鍾嘉欣昨日舉行新碟簽唱會，吸引逾90位來自香港、內地及星馬的Fans撐場，令她感動不已！將於本月9日慶祝27歲生日的嘉欣，獲粉絲送上電子琴，她興奮地說：「好驚喜！諗住下星期買琴，仲問Friend有冇折，估唔到Fans人仔細細買咁大份禮物畀我，唔好意思。」她希望能抽時間與Fans慶祝生日：「今日冧爆Fans，自己想學彈琴，我對唱歌事業好認真，彈琴可以幫助創作，仲可以令唱歌有進步。」不過，她表示生日要開工，希望收工後能跟朋友慶祝，問到緋聞男友伍允龍有否相約？她說：「冇！平時成班Friend都有約飲嘢。（生日一齊玩？）未必。」至於生日願望，她希望日本和中國能盡快復原，家人及朋友都開心、健康。
鍾嘉欣換上春裝出席新碟簽唱會。