阿姐代Fans出頭 鬧秋官霸晒靚位
前晚一連三場《鄭少秋．汪明荃．喜多郎新紀元2011演唱會》圓滿結束，當晚秋官Fans霸晒前排中間靚位，阿姐的Fans只坐在側邊，難怪阿姐在台上抱怨說：「三晚秋官Fans都係坐前排中間位，老闆對你哋好好，呢個唔係我想，啲飛唔係我控制。」不平則鳴的阿姐，出席慶功宴祝酒後匆匆離場，連訪問也不做，只說：「我好攰！」
記者笑指秋官Fans激嬲阿姐，秋官說：「我唔知，佢見到我都唔知幾開心、幾風騷。」提到曾指摘他沒有照顧欣宜的鄧光榮逝世，秋官說：「聽到呢個消息好難過。」追問到有傳欣宜跟契爺反面、恩怨是否一筆勾銷及會否出席喪禮等問題，秋官一律表示「唔回應」。有記者說：「你好少係咁？」秋官即黑面說：「你知咪好，唔好咁過分，仲有冇嘢想問？」然後即起身走人。此外，主辦的丘亞葵承認阿姐曾投訴門票問題，如果是公司出錯他願意道歉。另外，三場個唱共籌得10萬元捐助日本。
秋官被問到與鄧光榮的恩怨時，即時火起黑面。
阿姐不滿Fans坐不到靚位，出席慶功宴時匆匆離場。