蔣怡秘密練兵講鹹濕笑話
蔣怡與楊千嬅等昨日出席時裝品牌Gucci活動，蔣怡透露將於本月中演出舞台劇《潮性辦公室》，她笑言是首次參演舞台劇，要秘密練兵，減少出席公開場合：「佢哋（劇組）對我唔會有太多要求，想我做得開心同埋放開嚟做，每日都好似幼稚園啲小朋友咁，做乜都得，搞笑就最好。（有敏感話題？）都係講啲喺辦公室會發生嘅嘢，都有啲鹹濕嘅笑話，不過無傷大雅。（要忍笑？）忍笑真係好難！第一日我都笑到講唔到，不過之後重複多幾次都OK。」
而千嬅則笑言敢穿性感Deep V衫：「開到落肚臍都有，不過你哋唔覺之嘛！以為我係中國體操隊隊員。」她又表示老公丁子高忙於為新公司選址及裝修，他自立門戶亦不會影響與師傅Peter的感情。
蔣怡穿上低胸裙，性感迷人。