阿佘Benz跑撞的士落車 「講數」

佘詩曼前晚相約前經理人到中環晚膳後，獨自駕車離開，與的士發生輕微碰撞，即被的士司機截停「講數」，阿佘識做賠償500元平息。

無綫當家花旦佘詩曼近期被指將約滿離開娘家轉戰內地賺人仔，最近未有新工作的她，前晚相約前經理人Tina到中環歌賦街一間餐廳晚膳敍舊，二人足足傾談了兩個多小時，至深夜11時許雙雙步出，阿佘跟對方道別後，獨自到附近街頭取車，而Tina則折返入餐廳。

賠500蚊破財擋災

阿佘駕着白色平治跑車離開，駛至荷李活道對開一個燈位，因當時亮着紅燈，她將座駕停在一輛的士後面，但當轉綠燈時，她卻撞到前方的士車尾，發生輕微碰撞。阿佘立刻倒車及將車停泊在路旁，的士司機隨即將她截停，並隔着玻璃示意她落車。落車後，阿佘即向司機道歉及查看雙方座駕的「傷勢」，之後商討賠償事宜，阿佘禮貌地說：「你想我賠番幾多錢畀你？」司機說：「呢度賠番幾百蚊啦！」她隨即返回車廂取出銀包，並拿出一張500大元給的士司機了事，然後駕車返回半山寓所。

對於發生交通意外，曾分別兩度停牌的阿佘昨日接受本報記者電話訪問時說：「其實都係好小意外啫！最緊要個人冇事。（你又撞車？）我都唔想，冇計啦！惟有當破財擋災啦！」

離巢頭炮夥高以翔

貴為無綫當家花旦的阿佘，已跟無綫結束多年包薪合約，成為中港兩地不少經理人公司的搶手貨，獲不少公司爭相拉攏。雖然阿佘至今尚未落實，但據知她踏出無綫的首部劇集，就是以逾百萬元人仔幫華誼拍攝新劇《模特兒》，跟台灣型男高以翔、韓國剛退役男星金楨勳合作。另外，阿佘有傾談其他劇集，包括與孫紅雷合作的《曹操》及另一大製作《非誠勿擾》電視劇版等。仍與無綫關係良好的她，將改簽部頭合約，每年拍一套卅集劇集。

對於成為搶手貨，阿佘說：「依家係有大大細細嘅公司傾緊，唔係淨係錢嘅問題，係想睇吓發展點，所以要慢慢諗。（過百萬人仔拍新劇？）總之價錢好理想啦！（仲會唔會幫無綫拍劇？）呢個一定會，同無綫嘅關係仲好好，所以每年都會返去拍一部劇。」

輕微意外 賠錢搞掂

黃國桐律師指司機遇到不涉及人命傷亡的輕微交通意外，可即場賠償解決事件，不一定要雙方簽名作實：「唔一定要互相簽名，對方事後追究唔到，因為當時畀錢嘅意圖係已經解決件事。」他表示雙方如要簽字時，需填寫車主姓名及車牌號碼。