森美爆炸裝吸金

著名DJ森美獲維特健靈邀請，第三度續約擔任代言人，他昨日出席「森美與您『饌髮』魅力記者會」，一時扮王子、一時又戴爆炸頭假髮，逗得嘉賓大笑，問到酬勞是否加碼？他說：「之前兩次都冇乜特別，今次就加咗50%，真係唔錯呀！依家負擔重，真係要節衣縮食，一家四口，希望儲多個錢！（重金請你全家拍廣告？）唔會啦！我女人唔肯，（小朋友呢？）我女人唔畀，佢連出街畀人認出都唔鍾意，佢唔會心動呀！」

產品董事長陳曦齡博士表示日本大地震發生後，一直擔心妹妹陳美齡的情況，：「勸過好多次佢都唔肯返，惟有叫佢安排小朋友過嚟香港先，我都有寄水去日本！」

森美戴爆炸頭假髮，逗得嘉賓大笑。

陳曦齡寄水到日本，援助妹妹陳美齡。