薛凱琪信任男友蜜照唔怕影

林峯最近因床照外洩而十分頭痕，前晚薛凱琪演出音樂會時表示同情，但她揚言很信任男朋友，不擔心被出賣，若真的「出事」便當作教訓！

薛凱琪（Fiona）、方大同與G.E.M.（鄧紫棋）前晚演出音樂會，屢傳緋聞的Fiona與大同合唱《四人遊》時眉來眼去，表現勁Sweet，而台下歌迷亦相當受落。將於下月出碟的大同坦言爆肺後，除非是重要的演唱會，否則都會就住唱。

問到Fiona可有留意林峯的「床照事件」，她擰擰頭表示沒有看過，認為除工作上的照片外，其他私人照片都屬私隱。至於是否不敢與男友影親暱照，她搞笑地以球類運動來形容：「好似我打羽毛球、網球又或者桌球時影嘅相，都係我平時生活嘅相，呢啲都唔應該攞出嚟，而我認定得嘅男朋友，會係信得過嘅人。（如果真係出賣你呢？）咁咪睇清楚一個人，當係教訓囉！」

金像獎零性感

此外，Fiona昨日出席《第30屆香港電影金像獎》記者會，有份角逐影后的她表示，有機會與其他候選人影場刊Cover很開心，雖然大家分開拍攝，但都能把角色的氣質流露出來，感覺又型又Cool！問到戰衣會否性感，她笑說：「我不嬲唔賣弄呢啲，怕嚇親觀眾！」