男友未「私有化」 諸葛梓岐繼續露

模特兒諸葛梓岐（Marie）、Mandy Lieu、汪圓圓與歌手鄧紫棋（G.E.M.）昨日出席《SKECHERS時裝騷及中環旗艦店開幕典禮》。將與Neway二少薛嘉麟於年底結婚的Marie穿上Tube Dress搶盡「峰」頭，問到性感打扮會否令「老公」不悅？她撒嬌說：「佢未將我『私有化』，等私有化先算，其實做嘢佢冇乜意見。」對於新婚愛巢升值二千萬，有傳二人因賣樓而嗌交，她直認有分歧：「我哋唔會為呢啲事嗌交，只係有意見商量吓。間屋係風水屋，暫時唔會賣住，留番自住。（意見分歧點解決？）邊個意見好啲就會用嗰個，從來都未試過吵大鑊。」還表示婚禮由男友全權負責。

至於G.E.M.則透露五月將在紅館開個人演唱會，經不停操弗後消瘦不少，還即場騷「老鼠仔」。對於再傳與林宥嘉分手，她予以否認：「我生活上嘅事冇轉變。（有冇叫佢嚟？）未聽過佢講，但唔會搵佢做嘉賓，驚嚟到搶風頭！第一次演唱會唔想搵呢啲嘢嚟講，同埋冇聽過佢講話嚟唔嚟。（請佢出席？）我呼籲佢買飛。」