陳豪風騷提陳茵媺 廖碧兒：最緊要開心

早前被廖碧兒所傷的陳豪，經過時間療情傷，加上有陳茵媺的新緋聞刺激，昨日回復風騷與Janice Man（JM）出席活動。問到是否情傷已愈？他笑說：「唔開心嘅嘢唔好再講，新一年新開始！（同陳茵媺傳緋聞？）我去佢住嘅屋苑睇樓啫！（近水樓台？）近水好，水為財嘛！（有冇咁嘅心？）唔識答！（係咪鍾意大胸？）嘩嘩嘩！哈哈哈！好敏感嘅字眼！（約佢出街？）你哋啄到咁實，我有咩可以做吖！」

至於同場的JM最近在老闆黎明的新歌《遲D見》中的科幻3D巨胸，造型令人驚艷，她坦言自己及媽咪都被嚇一跳。

自爆入院轉話題

另一邊廂，廖碧兒前晚擔任《華麗明星賽》嘉賓，對於舊愛陳豪的新緋聞不欲多談，問到有否戥他們開心？她說：「最緊要開心，大家都係做呢行！（陳豪情傷好得快？）佢哋嘅事要問番佢哋！（你傷佢喎！）我專心工作先！（佢哋合襯？）唔知！」她更自爆入院做手術，並獲緋聞男友林忠豪關心來轉移話題。