馬國明焗挾持人質傷口灑鹽

去年菲律賓挾持人質事件傷透港人心，正當死因庭審結此案之際，無綫新劇《飛虎》卻加插類似的一場戲，再在傷口上灑鹽！

據知，《飛虎》今日會在九龍城拍攝挾持人質場面，劇中奸角馬國明為救老婆賈曉晨而挾持苟芸慧等人，由於劇情令人聯想到菲律賓挾持人質事件，不少演員都有微言，但監製林志華強調並非以此作藍本，不會想太多，只想繼續拍好劇集。

記者致電演「壞人」的馬國明，他表示擔心：「件事係香港人嘅傷痛，雖然劇情唔似，但挾持呢個動作就相似，我冇得驚，演員只能夠跟劇本去做。」而演人質的苟芸慧承認事件傷透港人心，拍出來會令相關人士有很深感受，但她相信編劇只是從事件中帶出正面訊息：「劇中人質都冇事，但壞人馬國明就得到懲罰，帶出邪不能勝正嘅訊息。」

宣萱：冇好過有！

劇中女主角宣萱坦言擔心會傷害人：「睇劇本時都覺得冇好過有，始終大家仍然喺傷痛中，不過我係演員，唔係我控制範圍之內。（同監製反映？）我冇權話No，否則就係踩過界，只希望拍攝時小心啲處理。」不過，梁烈唯則撐監製並非想重現事件：「其實旅遊巴嘅事故以前都出現多次，可能大家現階段比較敏感咗。」