劉心悠堅拒做二奶

劉心悠(Annie)與唐寧老公鄧偉傑昨日出席舞台劇《直子小姐》發布會,首度演舞台劇的Annie,飾演出軌的女人︰「現實中我冇試過出軌,之前喺親戚聚會聽過,不過我唔接受做二奶,唔會同人分享愛情!」席上大會更為下月1日牛一的Annie預祝生日,令她十分感動,問到可有追求者?她說︰「冇呀!不過我唔急!(媽咪有冇催?)之前媽咪都有介紹親戚或朋友個仔出嚟飲茶!做朋友OK!」至於鄧偉傑表示未為囝囝改名,公餘會多陪家人。

劉心悠表示生日與家人度過,感情方面則隨緣。