Ken向歌迷籌錢開紅館騷

蔡楓華（Ken）復出樂壇的演唱會前晚圓滿結束，雖然多次失準，但他仍多次揚言要開紅館騷，更開口向歌迷借錢：「每位歌迷借住1萬蚊畀我，就算餓死唔食飯都要去到紅館！一剎那光輝就係永恒，我就係要嗰一剎那！」他更誇口聲稱不屑逾億萬元的歌酬，只求一場紅館騷：「不入紅館誓不為人，2012紅館見。」

孫敬安無奈

慶功宴上，Ken全程擺巨星架子，邊飲水邊頭搖搖，更聲稱已入紙申請紅館檔期，問到是否不入紅館便死不暝目？他說：「入到就OK！」今次助他復出的盧敏儀及孫敬安一直在旁，但他完全冇面畀，狂呻太多宣傳辛苦，問到怕不怕被指忘恩負義？他說：「我係有情有義！（歌酬用嚟開紅館騷？）相信歌迷會籌到錢畀我！」

面對Ken過橋抽板，孫敬安大感無奈，他踢爆是大名娛樂答應為他開騷，問到Ken是否坐地起價加歌酬？他說：「開騷之前，阿Ken話唔收歌酬都做，後來見反應好，佢話要收都好合理！（佢話第3場係報答你？）佢第3場加咗50%歌酬，見仁見智啦！」