驚弓之鳥林峯爆公司禁女埋身

昨日美容品牌L'Oreal Group-Lancome於沙田開設分店，邀得林峯、Mandy Lieu、陳法蓉、何紫綸等擔任開幕嘉賓。

近日飽受緋聞困擾的林峯，坦言從沒與女友研究美容，但近年注重皮膚護理：「會定期做Facial。（女友教做？）唔使人教。（驚唔驚做Facial畀人偷拍？）去贊助商度做，私隱度好高。」爆出床照後，他不諱言害怕與女性個別合照，問到是否見過鬼怕黑，他只說：「順其自然，遇到適合嘅人都唔會避忌，唔會諗揀唔揀圈中人，拍拖好正常，自己都講過想拍拖好多年喇！（公司唔畀合照？）經理人平時會提醒，出活動好難滿足每個人嘅要求，希望大家體諒。」再問有否與潘霜霜聯絡，他即說：「冇！（有冇刪除佢電話號碼？）刪唔刪都唔重要。」

而同場以性感打扮出席的Mandy Lieu表示，為參與遊戲節目《撳錢》贏五十萬元獎金，已勤做功課惡補：「之前搵咗兩個拍檔，但因為同節目有牴觸而畀人拒絕咗，搵拍檔最緊要識中文同聰明。」