鍾舒漫主動示愛視死如歸
孫耀威昨日與鍾舒漫及農夫出席活動，鍾舒漫說：「婆婆之前病咗，好痛苦，依家又多天災，應該勇於向愛嘅人表達心意。（有冇向男仔表達？）同男性朋友都會。（『堅』嗰啲呢？）有Feel嘅話都會講，死咪死囉！」
至於孫耀威則表示將前往台灣：「會去幾個月，錄歌，做吓台灣人囉！（同女友陳美詩咪見少咗？）係呀！不過唔怕嘅！因為我都唔細啦！唔會花心嘅！」
農夫成員陸永早前因打波發生意外而斷胸骨，他說：「好番啦！講嘢同笑都唔會痛，可以唱歌跳舞！」此外，他早前被拍到有一名索女友，問到是否追了很久？他竟反指是女友追了他很久。
