譚耀文長駐內地發過豬頭
內地市場何其大，只要有一點知名度，北上發展絕對冇問題，酬勞分分鐘幾級跳！近年不少無綫小生花旦偶然轉戰內地發財，不過長駐內地發展的譚耀文與許秋怡，收入足已令全家豐衣足食，難怪再為人父的阿譚，已擁有一間二千萬豪宅兼三部車代步，他說：「好在當年《縱橫四海》已經打開咗知名度，再加上後來喺內地拍啲收視紀錄好嘅劇加強形象，咁So Far收入都唔錯，香港市場太細，咁人梗係望高處啦！」
而一曲走天涯的秋怡，經常於內地走埠登台，貪其搵錢多又快，故即使當年身懷六甲，以及坐月期間，秋怡試過凌晨時分坐車從內地登台回港，返家梳洗後再度出發，如此捱得換來身體差，不過秋怡為搵錢卻甘之如飴。