續約唔講價 林保怡：加得幾多心照

林保怡和鍾嘉欣昨日在佛山出席新劇《九江十二坊》記者會，被問到會否與無綫續約時，他態度曖昧扭擰，並說：「我合約嚟緊五月到期，新約仲傾緊。（係咪差價錢？）唔係，喺TVB想有理想價錢係冇乜可能，同TVB續約唔講價錢，坦白講，加得幾多吖？心照！不過自己咁多年加加吓都OK。（為獎？）梗唔會，其實我係想傾大、有實力嘅劇本。（呢套係最後一套劇？）我今年冇乜時間，呢套係今年唯一一套劇！（向外發展？）香港點都係基地。」對於陸續傳出多位小生花旦不續約，保怡說：「我會慢慢同公司傾，唔會咁冇道義。（內地有冇劇本傾緊？）都有，不過點都會拍埋呢套劇同《健康奇案錄》嘅新一輯先。」

另外，去年八月約滿無綫的陳鍵鋒，離巢後主攻內地市場，他承認收入比以前豐厚：「上年拍咗80至100集，酬勞係尊重嘅價錢。（有冇八位數？）七位就一定有！」而他有份演出的《洪武三十二》即將播出，他承認還未答應出席宣傳。