太太入醫院 張繼聰晚晚陪瞓
蒙嘉慧（YoYo）及張繼聰昨晨出席慈善步行活動，提到太太謝安琪患腸胃炎留院，張繼聰表示前晚太太已出院，但預計要休息一星期始能復工，打亂了工作檔期，太太住院期間，他晚晚到醫院留夜相伴。他又透露囝囝早前為慈善活動表演跳舞：「佢跳跳吓舞竟然坐低咗，好搞笑囉！」
YoYo則分享在內地探訪眼疾兒童經歷，一時感觸語塞兼眼泛淚光，她說：「啲病童窮到連去睇病嘅車費都冇，令我感動嘅係香港人喺行善方面好落力，所以我打算將政府派嘅六千蚊捐出嚟。」她自言年紀愈大，對物資要求愈低：「依家唔介意着舊衫出席公開活動。（慳家？）不嬲都係！」
